ТАҒЙИРОТИ НАВИ КАДРӢ
Душанбе, 29 октябр. (АМИТ «Ховар», Фирдавс Таваров).- Дар рафти ҷаласаи навбатии Ҳукумати Ҷумҳурии Тоҷикистон, ки имрӯз 29 октябр баргузор гардид, масъалаи тағйироти кадрӣ баррасӣ шуд. Бо Қарорҳои Ҳукумати Ҷумҳурии Тоҷикистон Собиров Маҳмудҷон ба вазифаи муовини аввали Вазири корҳои хориҷии ҶТ ва Низомиддин Зоҳидов, ки пеш аз ин ба ҳайси ректори Донишгоҳи давлатии Хӯчанд ба номи Бобоҷон Ғафуров фаъолият менамуд, муовини Вазири корҳои хориҷии ҶТ таъин гардиданд. Ваҳҳоб Набиев, ки муовинии раиси вилояти Суғдро ба ӯҳда дошт, ректори донишгоҳи мазкур таъин гардид. Ҳамчунин, муовини аввали раиси Кумитаи телевизион ва радиои назди Ҳукумати ҶТ Абдураҳмон Абдуманнонов бо сабаби ба нафақа баромаданаш аз вазифаи ишғолнамудааш озод гардид. Ба ин мақом бо Қарори Ҳукумати ҶТ Ҳабибулло Нозирӣ таъин шуд. Номбурда пештар ҳамчун сармуҳаррири ҳафтонамаи «Адабиёт ва санъат» фаъолият намуда, инчунин, вакили Маҷлиси намояндагони Маҷлиси Олии ҶТ, даъвати сеюм низ буд. Бо Қарори Ҳукумати ҶТ Исроил Алямов муовини сардори сарраёсат оид ба назорати давлатӣ ва бехатарии корҳо дар саноати кӯҳкории назди Ҳукумати ҶТ таъин гардид.
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Кумитаи рушди маҳал, Агентии ҳифзи мероси таърихию фарҳангӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Саридораи геология ва Маркази миллии тестӣ нишасти матбуотӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон барф меборад
Дар шаҳри Норак барои ҳифзи тартиботи ҷамъиятӣ санҷишҳои шабона гузаронида шуданд
Имрӯз дар Тоҷикистон ҳавои тағйирёбанда пешгӯӣ мешавад
МАСЛИҲАТИ МУТАХАССИС. Боғпарварон бояд аз рӯзҳои сард ва бориши барф самаранок истифода намоянд
Имрӯз дар Тоҷикистон туман мефарояд
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
