ТАЙЁРӢ БА ТИРАМОҲУ ЗИМИСТОН ЧӢ МАЪНӢ ДОРАД?

Душанбе, 4 октябр. (АМИТ «Ховар», Лаззат Диловарзод).- Ба гуфти муовини раиси шаҳри Душанбе Ҷамшед Мансуров, Маркази гармидиҳии пойтахт вазифадор  шудааст, ки зимистони соли 2011 21 иншооти иҷтимоӣ   тавассути 12 дегҳои бухорӣ, ки иқтидорашон 19,2 Гкал/соат мебошад, аҳолии пойтахтро бо бӯғу оби гарм таъмин намоянд.    Боиси тазаккур аст, ки то имрӯз маркази гармидиҳии пойтахт 50 фоиз бо сӯзишвории дизелӣ (мазут) таъмин шудааст.    Ҷумҳурии Тоҷикистон мамлакати офтобист ва дар як сол рӯзҳои офтобии он беш аз 300 рӯзро ташкил медиҳанд  ва гармии ҳаво дар ин давра аз 20- 17 дараҷа поён нахоҳад шуд. Ин маънои онро надорад, ки шабакаи гармидиҳӣ дар давоми сол барои чанд рӯзҳои сарди моҳи январу  феврал омодагӣ бинад.    Аз рӯи он ки аҳолӣ сари вақт маблағи истифодаи бӯғу оби гармро пардохт менамояд, ҳуқуқи саривақт дастрас  кардани бӯғу оби гармро, ки тибқи қоидаҳои маъмул бояд аз 10 –уми октябр оғоз гардад, талаб кардан ҳам дорад, вагарна супориш додан  барои тайёрӣ ба тирамоҳу зимистон чӣ маънӣ дорад?   Супориш  пеш аз ҳама маънии сарфаю сариштакорӣ оид ба барқро дорад, ки   аҳолии шаҳр печҳои барқӣ, «термекс» ва дигар воситаҳои гармидиҳиро, ки метавонад миллионҳо кВт соат нерӯи барқро  мавриди истифода қарор  диҳанд, сарфа кунанд.