АДИБОН СОЛРО ҶАМЪБАСТ КАРДАНД
Душанбе, 24 декабр (АМИТ «Ховар», Дилшодаи Ҷонмард).- 23 декабр, маҷлиси раёсати Иттифоқи нависандагони Тоҷикистон баргузор гардид. Раиси Иттифоқи нависандагон Меҳмон Бахтӣ оид ба фаъолияти раёсат дар соли 2010 гузориш дода, аз ҷумла иброз дошт, ки адибони тоҷик дар омодагӣ ва баргузории чорабиниҳои сиёсиву иҷтимоӣ ва фарҳангиву маърифатии сатҳи умумиҷумҳуриявӣ, ҷашнҳои давлативу миллӣ, инчунин дар татбиқи сиёсати фарҳангии Ҳукумати Ҷумҳурии Тоҷикистон фаъолона иштирок намуданд. Таъкид гардид, ки адибон анъанаи ҳамқадамиро бо муҳимтарин равандҳои замон ва инъикоси падидаҳои ҷолиби давронро идома медиҳанд, ки маҷмӯаи «Наврӯзи Роғун» гувоҳи ин аст. Дар соли равон робитаҳои байналмиллалии Иттифоқи нависандагон хеле густариш ёфт. Тарҷума ва нашр шудани намунаҳои назму насри муосири рус дар шакли китобҳои «Гулбоғ» ва «Шукуфаҳои насри муосири Русия» дар ин ҷода иқдоми муҳим буд. Дар маҷлис нақшаи кори раёсати Иттифоқи нависандагон барои соли 2011 муҳокима ва тасдиқ гардида, инчунин як гурӯҳ адибони ҷавон ба узвияти Иттифоқи нависандагони Тоҷикистон пазируфта шуданд.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
