СИСТЕМАИ БАҲИСОБГИРИИ ХАВФҲО ДАР СОҲАИ НАЗОРАТИ АНДОЗ
Душанбе, 21 декабр. (АМИТ «Ховар», Дилшодаи Ҷонмард). — Дар Кумитаи андози назди Ҳукумати Ҷумҳурии Тоҷикистон доир ба мавзӯи «Ташкили банақшагирии санҷишҳои андоз дар асоси баҳогузории хатарҳо» машварат баргузор гардид. Машварат зери унвони «Ташкили банақшагирии санҷишҳои андоз дар асоси баҳогузории хатарҳо» дар якҷоягӣ бо Корпоратсияи байналмилалии молиявӣ дар Ҷумҳурии Тоҷикистон ташкил шуда, ба омӯзиши таҷрибаи пешқадами ҷаҳонӣ оид ба ҷорикунӣ ва истифодабарии системаи баҳогузории хавфҳо, риояи қонунгузории андоз дар рафти банақшагирии санҷишҳои андоз бахшида шуд. Таҷрибаи ҷаҳонӣ исбот кардааст, ки ҷорӣ намудани системаи баҳисобгирии хавфҳо дар соҳаи назорати андозҳо ба кам гардидани хароҷоти мақомоти андоз ва андозсупорандагон, баландшавии сатҳи даромади андозҳо ва шаффофияти системаи назорати андоз нақши басо калон мебозад. Барои ворид намудани ин таҷрибаи ҷаҳонӣ дар фаъолияти мақомоти андози Ҷумҳурии Тоҷикистон ва бо мақсади табодули таҷрибаи беҳтарини давлатҳои хориҷи дуру наздик ба машварат як қатор намояндаҳои бурунмарзӣ даъват шуданд. Аз ҷумла, дар чорабинӣ намояндагони Хадамоти давлатии андози назди Ҳукумати Ҷумҳурии Қирғизистон, корпоратсияи байналмилалии молиявӣ дар Ҷумҳурии Тоҷикистон, корпоратсияи байналмилалии молиявӣ дар Қирғизистон ва Украина, Бонки рушди Осиё, Бонки умумиҷаҳонӣ ва Консултанти байналмилалӣ дар соҳаи системаи баҳогузории хавфҳо ширкат варзиданд. Дар ҷараёни машварат масъалаҳо доир ба таҳлили фаъолияти мақомоти андози давлатҳои хориҷӣ дар самти санҷишҳои андоз дида шуда, иқдоми фаъолияти минбаъдаи Кумитаи андоз ҷиҳати коркард ва ҷорикунии системаи баҳисобгирии хавфҳо барои банақшагирии санҷишҳои андоз муайян гардид.
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
