СОХТМОНҲОИ БУЗУРГИ ШАҲРАКИ СОМОНИЁН

Шаҳраки Сомониён, 9 феврал. (АМИТ «Ховар»,Ҳотам Рабиев).-Ҳамаи 51 корхонаи саноатии ноҳияи Рӯдакӣ соли сипаригардидаро пурсамар ҷамъбаст намуданд. Аз ҷумла, дар ин давра 84 548 метри кубӣ қум,133 863 метри кубӣ сангпора, 21 564 метри кубӣ шағали омехта, 4479 метри кубӣ маҳсулоти оҳану бетонӣ, 13 миллиону 720 ҳазор дона хишти сохтмонӣ, 41 тонна маҳсулоти ширӣ, 45 045 далл обҳои минералию ошомиданӣ ва миқдори зиёди дигар   маҳсулоти истеъмолии мардум истеҳсол  гардид.      Корҳои сохмонӣ дар кулли манотиқи ноҳия бахшида ба 20-умин солгарди Истиқлолияти давлатии Ҷумҳурии Тоҷикистон ривоҷу равнақ меёбанд. Бахшида ба ин санаи муҳим сохтмони мактабҳо, хонаҳои истиқоматӣ дар назар аст.Аз ҷумла, бо Қарори Ҳукумати Ҷумҳурии Тоҷикистон  дар маркази маъмурии ноҳия -шаҳраки  Сомониён сохтмонҳои бузург шурӯъ мегарданд. Алҳол мақомоти иҷроияи ҳокимияти давлатии ноҳия баҳри таҳияи нақшаи шаҳраки Сомониён ба Пажӯҳишгоҳи лоиҳакашии «Шаҳрофар» 156 ҳазор сомонӣ маблағгузорӣ намудааст.