АРМУҒОНИ НАВРУЗӢ
Душанбе, 17 март. (АМИТ «Ховар», Мавзуна Бойева). — Имрӯз дар маркази шаҳраки Ғарми ноҳияи Рашт аз ҷониби соҳибкорон ва дастгирии Вазорати энергетика ва саноати ҶТ ду корхонаи дӯзандагӣ ва нуқтаҳои ҷамъоварии пӯсту пашм кушода шуд. ҶДММ «Иттиҳодияи истеҳсолии нассоҷии тоҷик» дар шаҳраки мазкур як корхонаи дӯзандагии дорои 50 ҷойи нави кориро ба истифода дод. Ҳамчунин, аз тарафи ҶДММ «Ёқут» дар маркази савдои «Ориё»-и шаҳраки Ғарм коргоҳи дӯзандагӣ барои 80 нафар коргар ва бо дастгирии ҶДММ «Такомул» нуқтаи ҷамъоварии пӯсту пашм сохта ба истифода дода шуд. Дар кушодашавии корхонаҳои мазкур вазири энергетика ва саноати ҶТ Гул Шералӣ иштирок ва суханронӣ намуд. Қобили зикр аст, ки роҳбарияти Вазорати энергетика ва саноати ҶТ кӯшиш ба харҷ доданд, ки корхонаҳои мазкур то ҷашни Наврӯз ба истифода дода шаванд ва ин тӯҳфаи арзандест ба ҷашни Наврӯзи Аҷам. Иттилои мазкур ба хабарнигори АМИТ «Ховар» аз шӯъбаи котиботи Вазорати энергетика ва саноати ҶТ дастрас гардид.
ҶАМЪБАСТИ НИШАСТҲОИ МАТБУОТӢ. 8 август дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
