«ЭРОН-ЭЙР» 75 ТОННА БОР ОВАРД

     Душанбе, 9 март. (АМИТ «Ховар», Марзия Саидова). — 75 тонна таҷҳизоти гуногун барои  сохтмони Нерӯгоҳи барқи обии «Сангтӯда-2» нимаи дуюми  9 март тавассути тайёраи боркаши марбут ба ширкати ҳавонавардии  «Эрон-Эйр» ба фурудгоҳи байналмилалии Душанбе оварда шуд.      Саид Аскарӣ, масъули намояндаи ширкати эронии «Сангоб» ба АМИТ «Ховар» иттилоъ дод:  борҳое, ки таваcсути роҳи ҳавоӣ аз Эрон ба Тоҷикистон интиқол дода шуд,  аз таҷҳизоти трубина, тоблуҳои электронӣ ва қисмҳои назоратии НБО «Сангтӯда-2» иборат аст. Аскарӣ афзуд, ки бо сабаби баъзе мушкилоти объективӣ дар роҳҳои транзитӣ ва маҳдуд будани вақт ҷиҳати  анҷоми сохтмони ин иншооти дорои аҳамияти стратегидошта, ҷониби Эрон тасмим гирифтааст таҷҳизоти марбут ба НБО «Сангтӯда-2»-ро тавассути ҳавопаймоҳои бузурги боркаш ба Тоҷикистон биёрад. Ин маротибаи саввум аст, ки тайёраи боркаши эронӣ ба Душанбе таҷҳизоти НБО «Сангтӯда-2» меорад.             Мудири намояндагии ширкати  «Сангоб» иттилоъ дод, ки алҳол 85 % корҳои сохтмонӣ дар НБО «Сангтӯда-2»,  ки дар масофаи 120 километрии қисмати ҷанубу шарқии Душанбе  дар дарёи Вахш бунёд мегардад, аз ҷониби ширкати «Сангоб»-и Эрон ба анҷом расидаанд.