ХАЙРИ «ХАЙРАНДЕШ»

Хоруғ,  10 март. (АМИТ «Ховар», Л.Додо). –Тӯли  солҳои  Истиқлолият  дар  ВМКБ корхонаҳои  хурду  ташкилотҳои  ҷамъиятии  зиёд ба фаъолият щурӯъ намуданд, ки  дар  рушди  иқтисодиёту  беҳбудии  рӯзгори   мардум  ва  имдод  ба  ниёзмандон  корҳои  назаррасро  сомон   доданд. Ташкилоти  ҷамъиятии  «Хайрандеш», ки  соли  2009   дар  ноҳияи  Ишкошим  таъсис ёфт,  аз ҷумлаи  онҳост. Ҳадаф аз таъсиси ин ташкилот  расонидани  имдоди  моддӣ  ба занҳои  камбизоат,  ки  шавҳарҳояшон дар  муҳоҷирати  меҳнатианду   ба оилаҳояшон  мадад  намерасонанд,  мебошад.   Тавре роҳбари ташкилоти   «Хайрандеш» Наргис  Хушқадамова ба хабарнигори АМИТ «Ховар» иттилоъ дод, онҳо  тӯли 1,5   сол  ба  40  нафар   занони ноҳияи Ишкошим кӯмаки  моддӣ  расониданд.