КӮМАК БА НИЁЗМАНДОН ДАР АРАФАИ НАВРӮЗ

Хоруғ,  17 март. (АМИТ «Ховар», Л.Додо). –  Бо  қарори Юнеско  Наврӯзи  Аҷам    мақоми  байналмилалӣ  гирифт. Дар  Бадахшон  Наврӯз  имсол бо шукӯҳу шаҳомати хосса ҷашн гирифта мешавад. Рӯзи  22  —  юми  март  Наврӯз дар  ноҳияи  Ванҷ  таҷлил мегардад. Дар  ин  ҷо  мусобиқаҳои  суннатии  варзишӣ  ва барномаи  рангини  ҳунарӣ  пешкаши  иштирокдорони ҷашн   гардонида  мешавад. Бо   дастгирии  мақомоти  маҳаллии  ҳокимияти  давлатӣ,  идораву  муассисаҳо ва  нафарони  саховатпеша  дар  арафаи  ҷашни  Наврӯз хатнасури   500  нафар кӯдак ва 50  ҷуфт тӯйи  арӯсию домодии   фарзандони оилаҳои камбизоат гузаронида мешавад. Ҳамчунин,  мақомоти иҷроияи ҳокимияти давлатии ноҳияи Ванҷ дар арафаи ин ҷашн ба 600 нафар  оилаҳои  ниёзманд кӯмаки  молиявию  моддӣ мерасонад. Айни замон дар  майдонҳои  варзишии  шаҳру   навоҳии   вилоят аз рӯи  намудҳои волейбол,  баскетбол,  тӯби  дастию  гӯштин ва дигар   намудҳои  варзишӣ  вохӯриҳо  шурӯъ  гаштаанд.