ШАБАКАИ КОМПЮТЕРӢ ДАР ДОНИШГОҲИ ХУҶАНД

Суғд, 9 март. (АМИТ «Ховар», Мирзалӣ Амонов). — Дар Донишгоҳи давлатии Хуҷанд ба номи академик Бобоҷон Ғафуров шабакаи ягонаи компютерӣ таъсис ёфт, ки он дастрасии электронии маводу адабиёти корӣ ва таълимиро  миёни сохторҳои донишгоҳ таъмин менамояд.  Бо таъсиси шабакаи ягонаи компютерӣ зиёда аз 13 ҳазор нафар донишҷӯёни  16 факулта, ки аз рӯи 51 ихтисос таҳсил мекунанд, имконият пайдо намуданд, ки тамоми маълумот, адабиёт ва маводи дигари марбут ба таҳсилу фаъолиятро дар шакли электронӣ дастрас намоянд.        Шабакаи компютерии мазкур мустақил буда, бо истифодаи хати алоқаи телефонии шабакаи телефонии шаҳри Хуҷанд таъсис  шудааст.