СОЛИ 2012 ҶУМҲУРӢ БО ГӮШТУ ТУХМИ ВАТАНӢ ТАЪМИН МЕШАВА
Душанбе, 19 апрел. (АМИТ «Ховар», Лаззат Диловарзод).- Он рӯз дур нест, ки мо дар бобати таъмини аҳолӣ бо маҳсулоти парранда (тухму гӯшт) ба дараҷаи худкофӣ бирасем,- иброз дошт директори генералии «Саноати паррандапарварии Тоҷикистон» Машокир Назаров ба мухбири АМИТ «Ховар». Дар семоҳаи аввали соли 2011 дар ҳамаи корхонаҳои паррандапарварии ҷумҳурӣ наздик ба 41 млн. дона тухм истеҳсол шудааст, ки дар муқоиса ба ҳамин давраи соли 2010 11,7 млн. дона зиёд аст. Айни замон дар ҳамаи 30 корхонаи паррандапарварии ҷумҳурӣ дар ҳар шабонарӯз беш аз 1 млн. дона тухм истеҳсол мегардад. Аз рӯи маълумоти оморӣ то 1 –уми январи соли 2011 дар ҷумҳурӣ 194 млн. 500 ҳазор дона тухм истеҳсол шудааст, ки ба ҳар як сари аҳолӣ 25 донагӣ тухми истеҳсоли ватанӣ рост меояд. Дар соли 2010 ба ҷумҳурӣ аз хориҷи кишвар наздик ба 68 ҳазор тонна гӯшти мурғ ва 13 ҳазору 440 тонна тухм ворид гардида, дар дохили кишвар ҳамагӣ 250 тонна гӯшти парранда ва 137 млн. дона тухм истеҳсол гардидааст. Бо вуҷуди он директори генералии КВД «Саноати паррандапарварии Тоҷикистон» М. Назаров бар он бовар аст, ки то охири соли 2012 аҳолии ҷумҳурӣ бо гӯшту тухми истеҳсоли ватанӣ таъмин мегарданд.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
