ИСТЕҲСОЛИ МАҲСУЛОТИ САНОАТӢ ДАР ВОСЕЪ

Восеъ, 4 июн. (АМИТ «Ховар», Сулаймон  Холов). — Бино ба  иттилои  мудири  шӯъбаи  иқтисоди  ноҳияи  Восеъ   Соҳибназар  Гулмадов  ҳаҷми  истеҳсоли  маҳсулоти  саноатӣ   дар  ноҳия   дар чор  моҳи  соли  ҷорӣ   ба    19 млн. 952 ҳазор сомонӣ  расид, ки   нисбат  ба ҳамин  давраи  соли  гузашта    5 млн.  858 ҳазор сомонӣ  зиёд  буда,   147 % -и   нақшаро  дар  бар  мегирад.  Ба  гуфти  манбаъ  то  ин  муддат дар  ноҳия  950 тонна  нахи соф, 859 тонна  чигит, 118,5 тонна  равған,  147, 4 тонна  нон  ва  маҳсулоти  нонӣ, 11 тонна маҳсулоти  қаннодӣ, 1 290 тонна орд  истеҳсол  гардид,  ки  ба  талаботи  стандартӣ  ҷавобгӯй  мебошанд. Истеҳсоли  намаки  ошӣ   мутаассифона,  нисбат  ба  ҳамин  давраи  соли  гузашта  2 ҳазор тонна  кам  гардидааст.          Роҳбарони  корхонаҳои саноатӣ   тасмим  гирифтаанд,  ки имсол  истеҳсоли  маҳсулоти  саноатиро дар  корхонаҳо  бештар  намуда,  маҳсулотро бо  нархи  арзон  дастраси  аҳолӣ   гардонанд.