Қонуншиуан ба даст афтод

Душанбе, 15 июл. (АМИТ «Ховар», Мавҷуда Анварӣ). — 14 июли соли ҷорӣ кормандони шӯъбаи корҳои дохилии ноҳияи Бобоҷон Ғафуров шаҳрванд Ғафуров Раҳмон Раҳимович, соли таваллудаш 1961, истиқоматкунандаи ҷамоати Ёва, сармутахассиси шӯъбаи танзим ва тарҳрезии хоҷагии зотпарварии Хадамоти назорати давлатии зотпарварии Вазорати кишоварзии ҶТ-ро дастгир намуданд.Номбурда солҳои 2001-2007 дар вазифаи раиси хоҷагии деҳқонии Р. Набиев фаъолият намуда, бо истифодаи ваколатҳои хидматиаш зиёда аз 0,30 га замини обии дар паҳлӯи бинои хоҷагӣ ҷойгир бударо ғайриқонунӣ соҳиб шуда, баъди аз вазифа рафтанаш ба шаҳрвандон Исмоилов А. ба маблағи 63 ҳазор сомонӣ, Шодиев С.Ш. ба маблағи 55 ҳазор сомонӣ ва ба Азимова М. ба маблағи 10 ҳазор сомонӣ фурӯхтааст. Аз рӯи ин ҳодиса парвандаи ҷиноӣ боз шуда, тафтишот идома дорад.Иттилои мазкур аз сардори маркази матбуоти ВКД ҶТ Маҳмадулло Асадуллоев дастрас гардид.