Дар Олмон 20 – солагии рӯзи Истиқлолияти Тоҷикистон таҷлил шуд

Берлин, 26 июл. (АМИТ «Ховар», Шерзодхон Бурҳонов). – 25 июл дар Сафорати Ҷумҳурии Тоҷикистон дар Олмон ба ифтихори 20 – умин солгарди Истиқлолияти давлатии Ҷумҳурии Тоҷикистон маросими ботантана баргузор гардид. Ба маросим меҳмонони сершумор, намояндагони илму фарҳанг, ҳамчунин аъзои Ҳукумати Олмон даъват шуда буданд. Ин маросим бо ибтикори раиси «Ҷамъияти дӯстии Олмон ва Тоҷикистон», дӯсти вафодори Ҷумҳурии Тоҷикистон, доктор Александр Ҳайзер баргузор гардид. Баъди сарсухани сафири ҶТ дар Олмон Имомуддин Сатторов нотиқон дар мавзӯи Рӯзи Истиқлолият ва роҳи дар зарфи 20 соли Истиқлолият тайнамудаи кишвар ва халқи Тоҷикистон нақл намуданд. Дар хотима барои меҳмонон дастархони таъоми миллии тоҷикона ороста шуд.