Аз «Ӯзтрансгаз» қарздор нестем

Душанбе, 5 август. (АМИТ «Ховар», Лаззат Диловарзод).- Бино ба гуфти раиси Корхонаи воҳиди давлатии (КВД) «Тоҷиктрансгаз» Саидмаҳмад Шарофиддинов, дар семоҳаи сеюм Ҷумҳурии Ӯзбекистон нархи газро барои Ҷумҳурии Тоҷикистон боз 35 доллар боло бурда, барои 1000 метр мукааб газ 284 доллару 33 сент муқаррар намуд. Ин дар ҳолест, ки нархи 1000 метри мукааб газ барои Ҷумҳурии Тоҷикистон дар аввали соли ҷорӣ 224 доллару 85 сент ва дар семоҳаи дуюми соли 2011 249 доллару 19 сент муайян шуда буд.Дар давоми шаш моҳи соли ҷорӣ нархи газро Ҷумҳурии Ӯзбекистон барои Тоҷикистон дар ҳаҷми 56 доллар боло бурдааст.Тибқи шартнома соли ҷорӣ Ҷумҳурии Тоҷикистон аз Ӯзбекистон 180 млн. метри мукааб газ харид карданист. Ба иттилои манбаъ, дар нимаи аввали соли 2011 Ҷумҳурии Тоҷикистон аз Ҷумҳурии Ӯзбекистон ба миқдори 88 млн.метри мукааб газ дастрас намуд. Ҷумҳурии Точикистон дар ҳар даҳрӯза нархи гази аз Ҷумҳурии Ӯзбекистон гирифтаашро пешпардохт менамояд. Айни ҳол Тоҷикистон аз «Ӯзтрансгаз» қарздор нест ва газ бе мушкилот ба ҷумҳурӣ ворид карда мешавад,- иброз доштанд дар «Тоҷиктрансгаз» ба мухбириАМИТ «Ховар».