Дзюдочиёни тоҷик дар мусобиқоти ҷаҳон муваффақ нашуданд

Душанбе, 16 август (АМИТ «Ховар», Пайрав Назаров). – Тавре сомонаи расмии Федератсияи байналмилалии дзюдо хабар медиҳад, гӯштингирони тарзи дзюдои тоҷик дар мусобиқоти ҷаҳон байни ҷавонон ғайриқаноатбахш ҳунарнамоӣ карданд. Мусобиқот аз 11 то 14 август дар шаҳри Киеви Украина сурат гирифт, ки дар он қариб 600 нафар дзюдочиёни 55 кишвар, аз ҷумла 22 нафар варзишгарони тоҷик иштирок доштанд.
 
Рашид Зиёбеков (вазни то 81 кг) дар даври сеюми мусобиқа ноком гардид. Фирӯз Ниёзмамадов (вазни то 66 кг), Саидмухтор Расулов (вазни то 66 кг), Сафарбек Муродов (вазни то 73 кг), Санавбар Шанбиев (вазни 90 кг), дар даври дуюми мусобиқот аз иштироки минбаъда дар гӯштингирӣ маҳрум шуданд. Боз 7 нафар варзишгарони тоҷик монеаи даври аввали мусобиқаро бартараф карда натавонистанд.