Коммунистони Чин озими Душанбе мегарданд
Душанбе, 12 август.(АМИТ «Ховар», Марзия Саидова).-Як ҳайати баландпоя ва бонуфузи чиноӣ, ки беш аз 70 нафар аст, таҳти роҳбарии Чжоу Юнкан, аъзои доимии Кумитаи бюрои сиёсии Кумитаи марказии Ҳизби коммунисти Чин, 21 август озими Душанбе мегардад. Дар ин хусус ба АМИТ «Ховар» Усмон Солеҳ, мудири шӯъбаи таблиғот, иттилоот ва матбуоти Ҳизби Халқӣ-Демократии Тоҷикистон иттилоъ дод. Мавсуф гуфт, ки сафари ҳайати чиноӣ ба Тоҷикистон, ки то 23 август идома меёбад, бо даъвати ҲХДТ ҷараён мегирад.
Дар ҷараёни сафар ҳайати коммунистони Чин бо Президенти Ҷумҳурии Тоҷикистон, Раиси ҲХДТ Эмомалӣ Раҳмон, Раиси Маҷлиси миллӣ Маҳмадсаид Убайдулоев ва Раиси Маҷлиси намояндагон Шукурҷон Зуҳуров мулоқот менамояд.
Ҳамзамон, ҳайати чиноӣ аз Донишкадаи низомии Тоҷикистон, осорхонаи миллӣ ва дигар марказҳои фарҳангии кишварамон боздид мекунанд. Интизор меравад, дар доираи сафари ҳайати коммунистони Чин ба Тоҷикистон дар Душанбе байни ҲҲДТ ва Ҳизби коммунисти Чин созишномаи ҳамкории байниҳизбӣ ба имзо расад.
Ҳоло ҲХДТ бо бархе аз ҳизбҳои ҳокими кишварҳои собиқи шӯравӣ ба мисли «Ени Озарбойҷон»-и Озарбойҷон, «Нур-Отан»-и Қазоқистон ва «Единая Россия»-и Русия ҳамкорӣ дорад.
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
6 август дар вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Агентии омор нишасти матбуотӣ баргузор мегардад
Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
