Ифтитоҳи дубораи 3 хатсайри мунтазам аз ҷониби «Тоҷик Эйр»
Душанбе, 14 сентябр. (АМИТ «Ховар», Мавзуна Бойева).- Ширкати ҳавопаймоии «Тоҷик Эйр» роҳандозии хатсайрҳои мунтазами Душанбе-Иркутск-Душанбе, Кўлоб-Москва-Кўлоб ва Хуҷанд-Самара-Хуҷандро шурўъ намуд. Парвозҳо аз Душанбе ба самти Иркутск дар ду ҳафта як маротиба- рўзҳои ҷумъа сурат гирифта, арзиши чипта 285 евро мебошад. Хатсайри Кўлоб — Москва — Кўлоб ҳафтае ду маротиба- рўзҳои шанбеву якшанбе амалӣ шуда, арзиши чипта 330 евроро ташкил медиҳад. Парвозҳо аз шаҳри Хуҷанд ҷониби Самара дар ду ҳафта як маротиба- рўзҳои панҷшанбе анҷом дода мешаванд. Арзиши чипта 250 евро мебошад.