Имзои созишномаҳои системаи обтаъминкунӣ

Душанбе, 6 сентябр. (АМИТ «Ховар», Лаззат Диловарзод).- Бино ба маълумоти маркази матбуоти хоҷагии манзилию коммуналӣ, бо дастгирии бевоситаи Ҳукумати ҶТ ва маблағгузории Бонки Аврупоии Таҷдид ва Рушд дар доираи лоиҳаи «Барқарорсозии системаҳои обтаъминкунии шаҳрҳои ҷануби Тоҷикистон» ҷиҳати ҷудо кардани 6 млн. 172,8 ҳазор доллари амрикоӣ созишнома ба имзо расид, ки аз ин 4 млн. 178,8 ҳазор доллараш маблағи грантӣ ва 2 млн. қарзи дарозмуддат мебошад.Мушовирони тадбиқи лоиҳа корҳои мураттаб сохтани  лоиҳаро оғоз намуданд.Барои амалисозии барнома Бонки Аврупоии Таҷдид ва Рушд (БАТР) Корхонаи воҳиди давлатии Хоҷагии манзилию коммуналии шаҳри Душанбе, ширкатҳои мушовир «Сеурека» -и Фаронса ва «Аквамундо» -и Олмонро ҷалб намудааст. Гурӯҳи тадбиқсози лоиҳа аз тарафи БАТР ба қарзи бебозгашти техникӣ маблағгузорӣ карда мешавад. Дар доираи лоиҳаи мазкур ҷиҳати хариди техникаву механизмҳо барои шаҳрҳои фарогири Лоиҳа — Кӯлоб, Қӯрғонтеппа, Данғара 19 адад мошину механизмҳои махсуси коммуналӣ харида шуд.