Конгресси XI-уми педиатрҳои Аврупову Осиё дар Душанбе
Душанбе, 21 сентябр. (АМИТ «Ховар», Мавҷуда Анварӣ).-29-30 сентябри соли ҷорӣ бо ташаббуси Маркази ҷумҳуриявии илмӣ-клиникии педиатрӣ ва ҷарроҳӣ бо ҳамкории Вазорати тандурустии Тоҷикистон, Академияи улуми тиббии ҶТ, Иттиҳодияи миллии ҷомеаҳои педиатрӣ дар Кохи Ваҳдати шаҳри Душанбе Конгресси XI-уми педиатрҳои Аврупову Осиё «Проблемаҳои сиҳатӣ ва рушди кӯдакон дар замони муосир» баргузор мегардад.Дар конгресс масоили комёбӣ ва проблемаи педиатрӣ дар мамолики минтақаи Аврупову Осиё, натиҷаи фаъолият ва пешомад, навовариҳои ташхис ва табобати кӯдакону наврасон, махсусияти ғизои кӯдакон баррасӣ мешаванд.Барои иштирок дар конгресс 200 нафар мутахассисони варзида аз кишварҳои Аврупо ва Осиё, аз ҷумла аз Федератсияи Русия, Украина, Белорус, Афғонистон, Туркия, Озарбойҷон, Қазоқистон, Ӯзбекистон, Қирғизистон ва Туркманистон даъват шудаанд.