Муҳокимаи назорат аз болои муҳоҷирати ғайриқонунӣ
Душанбе, 20 сентябр. (АМИТ «Ховар», Лутфия Эшонқулова).-22 сентябри соли ҷорӣ ҷаласаи навбатии ҳайати мушовараи вазоратҳои корҳои дохилии Русияву Тоҷикистон дар шаҳри Оренбурги Русия доир мегардад.Тавре ба АМИТ «Ховар» аз Вазорати корҳои дохилии кишвар хабар доданд, дар ҷаласаи ҳайати мушовара баррасии масоили ҳамкории мутақобилаи ҷонибҳо дар бахши ҷустуҷӯ ва боздошти афроди ба ҷиноят дастзада, баргузории амалиёти муштарак ҷиҳати ҷилавгирӣ аз интиқоли ғайриқонунии маводи мухаддир тавассути нақлиёти роҳи оҳан ва ҳавопаймоҳо ва ҳамчунин роҳандозии назорат аз болои муҳоҷирати ғайриқонунӣ дар назар дошта шудааст.Тибқи иттилои манбаъ баҳри иштирок дар ин ҷаласа имрӯз вазири корҳои дохилии ҶТ Абдураҳим Қаҳҳоров ба шаҳри Оренбург сафар намуд.