Мулоқоти Ҳ. Зарифӣ бо Вазири корҳои хориҷии Салтанати Умон
Душанбе, 23 сентябр. (АМИТ «Ховар», Мавҷуда Анварӣ). — 22 сентябри соли 2011 Вазири корҳои хориҷии Ҷумҳурии Тоҷикистон Ҳамрохон Зарифӣ бо Вазири корҳои хориҷии Салтанати Умон Юсуф ибни Алавӣ Ибни Абдулло мулоқот намуд. Дар ҷараёни мулоқот масъалаҳои муносибати дуҷониба ва роҳҳои густариш ва таҳкими он мавриди баррасӣ қарор гирифтанд. Ҳамчунин ҷонибҳо дар бораи ҳамкориҳо дар чаҳорчӯби созмонҳои байналхалқӣ табодули назар намуданд.Дар ин бора ба АМИТ «Ховар» аз Вазорати корҳои хориҷии ҶТ иттилоъ доданд.