Тӯҳфаи ширкати «Тетис Петролеум»
Душанбе, 14 сентябр. (АМИТ «Ховар», Дилшодаи Хайруллоҳ). – «Тетис Петролеум Лимитед» — ширкати таҳқиқу истихроҷкунандаи нафту газ барои харидорӣ намудани мошини ёрии таъҷилӣ дасти ёрӣ дароз намуд. Ин мошин, ки бо таҷҳизоти муосир муҷаҳҳаз аст, дар яке аз беморхонаҳои шаҳри Қӯрғонтеппа мавриди истифода қарор мегирад.
Мошини ёрии таъҷилӣ тавассути марзҳои Аврупо ва Осиёи Марказӣ ба кишвари мо оварда шуд. Маросими супуридани он 7 сентябри соли ҷорӣ дар доираи таҷлили 20 — солагии Истиқлолияти давлатии Ҷумҳурии Тоҷикистон баргузор гардид, ки дар он намояндагони ширкати «Тетис Петролеум Лимитед» бо сарварии президенти ширкат Дэвид Робсон иштирок доштанд.