Дар Бадахшон сайёҳӣ бояд рушд ёбад

Хоруғ, 14 октябр. (АМИТ «Ховар», Л.Додо ). – Ҳарчанде Бадахшон минтақаи  дорои  имкониятҳои зиёд ва  захоири  бои  сайёҳии   ҷумҳурист,  аммо  то  ҳол  имконияти  соҳа  пурра  истифода нашудааст,  гуфт  зимни  сӯҳбат  корманди корхонаи  воҳиди  давлатии  туризм  Шагарф  Муллоабдолов. Имрӯзҳо  дар  вилоят  12  ташкилоти  туристӣ арзи ҳастӣ   доранду  аммо  ҳар  яки  онҳо дар  алоҳидагӣ  фаъолият мекунанд. Натиҷаи  чунин  тарзи  кор  аст, ки дар  вилоят  фаъолияти  ягон тои  онҳо ба  талабот  ҷавобгӯ  нест.  Оиди  рафтуои  сайёҳон  дар  вилоят  ягон  ҳисобу  китоби  аниқе  вуҷуд  надорад. Аз  сайру  саёҳати  туристон  ба  буҷаи   вилоят  даромади  ночизе  ворид  мегардад,  зеро 95 дар сади  сайёҳон инфиродианд, яъне  худашон  худро таъмин  мекунанд ба  имдоди  касе  мӯҳтоҷ  нестанд. Ин  гурӯҳи  сайёҳон дар  сафоратхонаҳои  хориҷии кишвар  иҷозатномаҳоро  гирифта,  вориди  Тоҷикистон  мешаванд.