Ифтихорномаҳои фахрӣ ба арбобони фарҳанги Тоҷикистон

Душанбе, 6 октябр. (АМИТ «Ховар», Людмила Дубинина). — 4  октябри соли ҷорӣ  дар  шаҳри  Душанбе  Симпозиуми  панҷуми байналмилалӣ  таҳти  унвони  «Донишкадаҳои  олии  фарҳангу  санъат  дар  муҳити  маърифатии  ҷаҳон. Тарбияи кадрҳои  соҳаи  фарҳанг  ва  санъат: анъанаҳои  миллӣ ва  тамоюлҳои  муосир»  баргузор  гардид, ки он ду рӯз идома ёфт. Дар маҷлиси умумӣ маросими супоридани ифтихорномаҳои фахрӣ ба ходимони машҳури илм, фарҳанг ва маорифи Тоҷикистон баргузор гардид. Аз ҷумла, вазири фарҳанг Мирзошоҳрух Асрорӣ ва муовини ӯ Фароғат Азизӣ, Марҳабо Ҷабборова, президенти Академияи фарҳанг Ирина Каримова, ректорҳои Донишгоҳи славянии Тоҷикистону Русия Муҳаммадюсуф Имомов, Консерваторияи миллии Тоҷикистон ба номи Т. Сатторов Раҷабмад Амиров, Донишкадаи давлатии санъати ба номи М. Турсунзода Аслиддин Низомов бо ифтихорномаҳо қадрдонӣ шуданд.  Ифтихорномаҳоро аз номи «Россотрудничества»  роҳбари ин ташкилоти бонуфуз Фарид Муҳаммедшин супорид.