Иштироки Тоҷикистон дар мусобиқаи «Ҷоми 20 — солагии ИДМ»

Душанбе, 6 октябр. (АМИТ «Ховар», Кристина Эрлих). – Бо ибтикори Сафорати Ҷумҳурии Тоҷикистон дар Ҷумҳурии Туркия дар шаҳри Анқара мусобиқаи футболбозӣ барои дарёфти «Ҷоми 20 – солагии ИДМ» баргузор гардид.Дар ин бора ба хабарнигори АМИТ «Ховар» дар Вазорати корҳои хориҷии Ҷумҳурии Тоҷикистон иттилоъ доданд.Дар мусобиқа дастаҳои футболи сафоратҳои кишварҳои аъзои ИДМ- и муқими Туркия иштирок намуданд. Дар даври якуми мусобиқа дастаи футболи Сафорати Тоҷикистон дастаҳои Украина, Қирғизистон ва Туркманистонро бо ҳисоби калон мағлуб сохт. Дар қисми финалии мусобиқа дипломатҳои тоҷик бо дастаи футболи Сафорати Русия қувваозмоӣ намуда, бозӣ бо ғалабаи дипломатҳои Русия анҷом ёфт. Дар натиҷа дипломатҳои Русия соҳиби «Ҷоми 20 – солагии ИДМ» гардиданд. Ҷойи дуюм насиби дастаи футболи Сафорати Тоҷикистон гардид. Сафорати Қазоқистон мақоми сеюмро касб намуд.