Коргоҳҳои хусусӣ манбаи ҷойҳои нави корианд

Хоруғ, 14 октябр. (АМИТ «Ховар», Л.Додо ). – Дар  боби бо  ҷои  кор  таъмин  гардидани  сокинони  ВМКБ ҳиссаи  корхонаҳои  хусусиву  саҳҳомӣ кам  нест. Тавре  муовини  садри раёсати  андози  вилоят Барзу Орумбеков  иттилоъ дод, ҳоло  дар  вилоят  20  ҷамъияти  саҳҳомии  шакли  пӯшида, 203 ҷамъияти масъулияташ  маҳдуд ва  64  корхонаи  хурд ба  кайд  гирифта шудааст, ки дар  онҳо 2000 нафар  кор мекунанд. Ба  наздикӣ  боз дар  шаҳри Хоруғ ҷамъияти  маҳдуди  «Хушкор» ба  фаъолият  оғоз  намуд, ки  якбора  16  нафарро  ба  кор қабул  намуд.  «Хушкор» асосан  ба  омода  гардонидани  шиору   овезаҳо ва  лавҳаҳои  зебо,  табъу  нашр,  аз ҷумла чопи  даъватномаҳо  машғул  аст. Ба  гуфти  яке аз  масъулини  коргоҳ  Назира  Дилёбова,  то  охири  сол  теъдоди  коргарон ба  маротиб  меафзояд.