Мулоқоти аҳли тиҷорат

Душанбе, 28 октябр. (АМИТ «Ховар»,  Покиза  Маҳмадбекова ). – Дар  чаҳорчӯбаи  намоишгоҳи  байналмилалии  «Тоҷикистон – 2011», ки  27  октябр  дар  Филармонияи  давлатӣ  доир  гардид,  мулоқоти  аҳли  тиҷорати Тоҷикистон,  Беларус, Лаҳистон, Афғонистон, Туркия  ва  Эрон сурат  гирифт.«Мо  умедворем, ки  тавассути  намоишгоҳи «Тоҷикистон – 2011»  ва  форуми «Тоҷикистон – Лаҳистон», ки  28  октябри  соли 2011  баргузор  мешавад,  роҳҳои  ҳалли   масоили  ҳамкории  самарабахши  дуҷонибаро  пайдо   хоҳем  кард», —  зикр намуд муовини  вазири  иқтисоди Ҷумҳурии  Лаҳистон Рафал Баняк дар  ҷараёни  ин  чорабинӣ. Ҳамкорӣ  дар  бахши  техникаи  сохтмонию  кишоварзӣ,  ба  Ҷумҳурии  Беларус  фиристодани  мева,  сабзавот,  асал ва  гиёҳҳои  шифобахши Тоҷикистон  самтҳои  ояндадори  фаъолият  маҳсуб  дониста шудаанд.Хотирнишон месозем, ки  намоишгоҳро Палатаи  савдо  ва  саноати  Тоҷикистон  бо   дастгирии Ҳукумати  Ҷумҳурии  Тоҷикистон  ташкил  намуда  буд.