Ш.Саид: «Чин ба сегонаи асосии шарикони Тоҷикистон шомил аст»

Душанбе, 24 октябр. (АМИТ «Ховар»,  Покиза Маҳмадбекова). – Раиси  Палатаи  савдо  ва  саноати  Ҷумҳурии  Тоҷикистон  Шариф  Саид  зимни  сафараш  ба  шаҳри  Чэндуи  музофоти  Сичуани  Ҷумҳурии  Мардумии  Чин  ҷиҳати  иштирок дар  кори  «ЭКСПО 12 — уми  байналмилалии  Чини  Ғарбӣ» бо президенти  Кумитаи  мададгори  савдои  байналмилалии  музофоти  Сичуан  Ли  Ган  гуфтушунид  намуд.Тавре дар  маркази  матбуоти  Палатаи  савдо  ва  саноат  ба  АМИТ «Ховар»  иттилоъ  доданд, ҷонибҳо дар  ҷараёни  сӯҳбат  масоили  муҳими  рушди  ҳамкории тиҷоратию  иқтисодии  байни  Тоҷикистон  ва  Ҷумҳурии  Мардумии  Чинро  мавриди  муҳокима  қарор  доданд.Ба  гуфти  Шариф  Саид  Чин  яке аз  шарикони  асосии  бахши тиҷорати  Тоҷикистон  мебошад.  ҶМЧ  аз соли  2005  инҷониб  ба  сегонаи  асосии  шарикони  Тоҷикистон  дар  бахши ҳамкории  иқтисодӣ  маҳсуб  мешавад.  «Дар  давраи  истиқлолияти давлатии  Тоҷикистон  муомилоти  моли  байни  ҳар  ду  кишвар  тақрибан  15  баробар  афзуд», —  гуфт  раиси  Палатаи  савдо  ва  саноат. «ЭКСПО 12 —  уми байналмилалии  Чини  Ғарбӣ» таҳкурсии   муҳими  рушди  минбаъдаи  ҳамкории  серсоҳаи  байни  Чин  ва  кишварҳои АвруОсиё, аз ҷумла, ҳамкорӣ  бо  Ҷумҳурии  Тоҷикистон  мебошад, —  гуфт  дар навбати  худ  Ли  Ган.