Вакилон номгузории объектҳои физикию ҷуғрофиро баррасӣ мекунанд

Душанбе, 5 октябр. (АМИТ «Ховар», Бекназари Абӯбакр). — 14 октябри соли равон дар шаҳри Хуҷанд иҷлосияи ҳафтуми Маҷлиси вакилони халқи вилояти Суғд (даъвати чорум) баргузор мегардад.
Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар иҷлосияи ҳафтуми Маҷлиси вакилони халқи вилоят масъалаҳо «Дар бораи тасдиқи Барномаи рушди фарҳанги Ҷумҳурии Тоҷикистон барои солҳои 2008 – 2015» дар вилоят, оид ба номгузории объектҳои физикию ҷуғрофӣ баррасӣ гардида, ҳисоботи комиссияи доимии Маҷлиси вакилони халқи вилоят оид ба масъалаҳои сохтмон, саноат, нақлиёт, алоқа, хоҷагии роҳ ва хоҷагии рифоҳӣ пешниҳод ва ҳамчунин қарорҳои Раиси вилоят тасдиқ хоҳанд шуд.