Дарёфти 90 кг маводи мухаддир аз Шӯрообод

Душанбе, 21 ноябр. (АМИТ «Ховар», Мавҷуда Анварӣ). -Кормандони раёсати мубориза бо муомилоти ғайриқонунии маводи мухаддири ВКД-и ҷумҳурӣ зимни як амалиёт беш аз 90 кило маводи мухаддирро мусодира намуданд.Тавре ки сардори маркази матбуоти ВКД ҶТМаҳмадулло Асадуллоев Мансур Бухориев ба АМИТ «Ховар» хабар дод, кормандони раёсати мубориза бо муомилоти ғайриқонунии маводи мухаддири вилояти Хатлон дар ҳамдастӣ бо гурӯҳи милисаи таъиноти махсус (ОМОН)-и ин вилоят дар ноҳияи наздисарҳадии Шӯрообод бо гумони даст доштан дар муомилоти ғайриқонунии маводи мухаддир сокини 25-солаи ноҳияи Восеъ Р.Н.-ро боздошт кардаанд. «Ҳангоми кофтуков аз ӯ 6 бастаи полиэтилении дорои маводи мухаддири гурӯҳи бангдона дарёфт шуд, ки вазни умумии он 90 килову 70 граммро ташкил дод», — гуфт ӯ.Аз рӯйи ин далелҳо парвандаи ҷиноӣ боз гардида, корҳои тафтишотӣ идома доранд.