Беҳтарин футболбози Қазоқистон эълон шуд

Душанбе, 21 декабр. (АМИТ «Ховар», Аловиддин Бӯриев).- Дастпарвари мактаби футболи Алмаато Ҷамбил Кукеев, ки соли равон дар ҳайати дастаи «Шахтёр»-и Қарағанда чемпиони Қазоқистон гардид, беҳтарин бозингари соли 2011 дар ин кишвар дониста шуд. Барои муайян кардани беҳтарин бозингар 126 нафар рӯзноманигор, сармураббӣ, капитани дастаҳо, мутахассисони соҳаи футбол ва ветеранҳо ширкат карданд. Ин раъйдиҳиро сомонаи Sportinfo.kz ташкил кардааст. Байни мураббиён дар Қазоқистон сармураббии «Шахтёр» Виктор Кумикови русиягӣ беҳтарин мураббии сол эълон шуд.