Энергетикҳои Тоҷикистон иди касбиро таҷлил мекунанд

Душанбе, 22 декабр. (АМИТ «Ховар», Кристина Эрлих ). – Имрӯз, 22 декабр энергетикҳои Тоҷикистон иди касбии худро таҷлил менамоянд.Ба ин муносибат 21 декабр дар ШКСХ «Барқи тоҷик» бо иштироки муовини аввали вазири энергетика ва саноати ҶТ Пӯлод Муҳиддинов, раиси ШКСХ «Барқи тоҷик» Абдулло Ёров, ҳамчунин намояндагони Дастгоҳи иҷроияи Президенти ҶТ ва сохторҳои зертобеи энергетикии кишвар маҷлиси ботантана баргузор шуд. Тавре роҳбари хадамоти матбуоти ШКСХ «Барқи тоҷик» Нозир Ёдгорӣ ба хабарнигори АМИТ «Ховар» изҳор дошт, раиси ШКСХ «Барқи тоҷик» Абдулло Ёров зимни суханрониаш дар маҷлиси ботантана аз таърихи ташкилу рушди системаи энергетикии Тоҷикистон мухтасар нақл кард. Зикр шуд, ки соли 2011 назар ба соли гузашта баробари беш аз 1 миллион киловатт — соат нерӯи барқ тавлид гардид. Сипас пешқадамони соҳаи энергетика бо нишонҳои Аълочии «Барқи тоҷик» ва ифтихономаҳо қадр карда шуданд.