Мизони таваррум дар Тоҷикистон

Душанбе, 22 декабр. (АМИТ «Ховар», Мавҷуда Анварӣ). — Тайи 12 моҳи ахир мизони таваррум дар Тоҷикистон 10, 1 фоизро ташкил додааст. Тавре ки аз Бонки миллии Тоҷикистон ба АМИТ «Ховар» хабар доданд, таваррум чун нишондиҳандаи муҳими макроиқтисодӣ дар моҳи гузашта низ ҷараёни мӯътадилшавии худро идома дод. Чунонки аз маълумоти расмии агентии омори назди президенти мамлакат бармеояд, моҳи ноябр сатҳи таваррум ҳамагӣ 0,2 фоиз баланд шуда, дар 11 моҳи соли равон ба 9,1 фоиз расидааст. Сатҳи таваррум дар 12 моҳи охир бошад, 10,1 фоизро ташкил дод. Гуфта мешавад, ки меъёри бозтамвили Бонки миллии Тоҷикистон дар интиҳои давраи мазкур 10 дар садро ташкил дода, ба ҳисоби миёна ба 9,01 фоизи солона баробар шуд.