Шанбегӣ дар Кӯлоб

Кӯлоб, 24 декабр. (АМИТ «Ховар», С.Холов ). – Дар шаҳри Кӯлоб бо иқдоми мақомоти иҷроияи ҳокимияти давлатии шаҳри Кӯлоб ва шӯъбаи ҳифзи муҳити зист ҳар рӯзи истироҳатӣ дар ҳама корхонаю ташкилот, мактабҳои таҳсилоти ҳамагонӣ ва хиёбону маҳаллаҳо ҳашари умумишаҳрӣ гузаронида мешавад. Дар қатори дигар ташкилоту муассисаҳо омӯзгорону донишҷӯёни Донишгоҳи давлатии Кӯлоб ба номи Абӯабдулло Рӯдакӣ низ барои озода намудани боғи фарҳангу истироҳатӣ ба ҳашар баромада, корҳои назаррасро ба анҷом расониданд. Мавриди зикр аст, ки кормандони корхонаю ташкилот ва муассисаҳо дар назди корхонаҳои худ дарахтони сояафкану ороишӣ шинонида, кӯчаю хиёбонҳоро бо гулу гулбуттаҳо оро доданд. Чунин ҳашарҳои умумишаҳрӣ, ки ба тозаю озода нигоҳ доштани кӯчаю маҳалҳо ва гулгашту хиёбонҳо мусоидат мекунанд, дар оянда низ доир мешаванд.