Тоҷиддин бо худ чӣ мебурд?

Душанбе, 13 декабр. (АМИТ «Ховар», Анварбек Сиддиқов).- Чанде пеш кормандони ШКД-и ноҳияи Конибодоми вилояти Суғд ҳангоми гузаронидани амалиёти фаврию ҷустуҷӯӣ дар ошхонаи «Хубон», воқеъ дар маҳаллаи-34-уми ноҳия шаҳрванд Абдул Довудовро дастгир карданд. Ҳангоми кофтукови шахсӣ аз ӯ як бастаи селофанӣ, ки дар дохилаш 1 килограмму 07 грамм маводи нашъадори ҳашиш дошт, ёфт ва мусодира карда шуд. Инчунин кормандони ШКД-и ноҳияи Данғара 12 декабри соли ҷорӣ дар натиҷаи гузаронидани амалиёт амали ғайриқонунии қочоқи маводи нашъаоварро ошкор намуданд.Тавре ки аз маркази матбуотии ВКД- и Ҷумҳурии Точикистон ба АМИТ «Ховар» иттилоъ доданд, кормандони ҳифзи ҳуқуқ ҳангоми кофтукоф аз истиқоматкунандаи деҳаи Файзбахши ҷамоати деҳоти Оқсу Тоҷиддин Мирзоев, (соли таваллудаш 1977), 1 адад селофан, ки дар дохилаш мувофиқи маълумотномаи шӯъбаи ташхиси ҷиноии Раёсати корҳои дохилӣ 64 грамм маводи нашъадори ҳашиш дошт, дарёфт ва мусодира карданд. Перомуни ин ҳодисаҳо тафтишот ҷараён дорад.