105 ҳазор доллар барои бунёди Хонаи фарҳанг

Хоруғ, 9 январ. (АМИТ «Ховар», Л.Додо ). – Мувофиқи шартномаи байни Ҳукумати ҷумҳурӣ ва Ҳукумати Ҷопон дар деҳаи Лангари ҷамоати деҳоти Зонги ноҳияи Ишкошим бунёди Хонаи фарҳанг идома дорад. Барои бунёди он 105 ҳазор доллари амрикоӣ ҷудо гардид, ки рӯзҳои наздиктарин мавриди истифода қарор мегирад.Ин махзани истироҳату фароҳат тарҳи хеле зебои замонавӣ дорад. Мудири Хонаи фарҳанг Кабутаршо Сақаев мегӯяд, ки дар ин муассисаи фарҳангӣ баробари ӯтоқҳои корӣ ва истироҳатию фароғатӣ барои ҷавонону наврасон, як синфхонаи компютерӣ ва барои занону духтарони деҳа корхонаи дӯзандагӣ низ мавҷуд аст.Тибқи дурнамои рушди ноҳия дар ояндаи наздик дар ҷамоати деҳоти номбурда бунёди боз даҳҳо биноҳои маъмурию маишӣ дар назар аст.