Мутахассиси тоҷик мукофот гирифт

Душанбе, 9 январ. (АМИТ «Ховар», Людмила Дубинина ). – Сардори шӯъбаи танзими лоиҳаҳои сармоягузории давлатии Кумитаи давлатии сармоягузорӣ ва истифодаи амволи давлатии ҶТ Зоҳир Мирзоев барои саҳмаш ба барқароршавӣ ва рушди Созмони Ҳамкории Шанхай (СҲШ) бо медали ҷашнии «10 соли Созмони Ҳамкории Шанхай» мукофотонида шуд.Мукофоти фахриро Дабири кулли СҲШ М.Имоналиев дар ҳамоиши байналмилалии роҳбарони созмони «Рушди бахши инфиродӣ: савдои байналмилалӣ» супурд. Зоҳир Мирзоев барои татбиқи муваффақонаи лоиҳаҳо дар қаламрави ҷумҳурӣ мукофотонида шудааст. Ба гуфтаи коршиносони байналмилалӣ, қисми зиёди ин лоиҳаҳои сармоягузорӣ дар амри рушди иҷтимоию иқтисодии Тоҷикистон ва минтақа натиҷаи хуб бахшиданд.