Муфаттиши порахӯр ва қаллоби чиптафурӯш
Душанбе, 3 феврал. (АМИТ «Ховар», Лаззат Диловарзод).- Раёсати тафтишоти Агентии назорати давлатии молиявӣ ва мубориза бо коррупсия нисбат ба ҷинояти содирнамудаи муфаттиши калони шӯъбаи тафтишоти Раёсати корҳои дохилии вилояти Хатлон лейтенанти калони милитсия Амриддин Шарипов бо моддаи 319 (гирифтани пора) –и КҶ ҶТ ва нисбат ба сардори шӯъбаи фурӯши чиптаҳои ҳавопаймоии ҶДММ «Анӯшервониён» -и шаҳри Душанбе Оятулло Авзалов бо моддаи 247 қ.4 (қаллобӣ)- и КҶ ҶТ парвандаҳои ҷиноиро пас аз тасдиқи фикри айбдоркунӣ барои баррасӣ ба суд ирсол намуд.Ёдовар мешавем, ки кормандони Раёсати корҳои дохилии вилояти Хатлон сокини шаҳри Душанбе шаҳрванд «Б» -ро «гӯё» барои хабар надодани ҷиноят доир ба муомилоти ғайриқонунии маводи нашъадор дастгир ва се рӯз дар боздоштгоҳи муваққатии Раёсати корҳои дохилии вилояти Хатлон ғайриқонунӣ нигоҳ доштаанд. Сардори шӯъбаи фурӯши чиптаҳои ҳавопаймоии ҶДММ «Анӯшервониён»-и шаҳри Душанбе Оятулло Авзалов тавассути яке аз кормандони Раёсати корҳои дохилии вилояти Хатлон аз ғайриқонунӣ нигоҳ доштани сокини пойтахт шаҳрванд «Б» огаҳ шуда, бо роҳи фиреб барои «озод» намуданаш аз модари ӯ 6 ҳазор доллар талаб менамояд. Рӯзи 10 –уми ноябри соли 2011 қаллоб ҳангоми гирифтани маблағ дар ҷойи ҳодиса аз ҷониби кормандони Агентии назорати давлатии молиявӣ( НДМ) ва мубориза бо коррупсия дастгир шуд.Сипас муфатиши калони Раёсати корҳои дохилии вилояти Хатлон лейтенанти калони милитсия Амриддин Шарипов бо мақсади ғаразноки гирифтани пора бо роҳи тамаъҷӯӣ мунтазам ба шаҳрванд «Б» занг зада, таҳдиди ба ҷавобгарии ҷиноятӣ кашиданашро менамояд, ки дар сурати надодани 8 ҳазор доллари амрикоӣ нисбат ба ӯ парвандаи ҷиноятӣ кушода хоҳад шуд. Шаҳрванд «Б» ноилоҷ дар вақту ҷойи таъиннамудаи муфаттиш Амриддин Шарипов ба ӯ 7 ҳазор доллари амрикоӣ медиҳад. А. Шарипов ҳангоми гирифтани пора дар ҷойи ҳодиса аз тарафи кормандони Агентии (НДМ) ва мубориза бо коррупсия дастгир гардид. Акнун суд дафтари аъмоли ҷинояткоронро саҳифагардон намуда, нисбат ба онҳо ҳукми одилонаи худро содир менамояд.
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
