Фестивали ҷавонон дар ДМТ

Душанбе, 13 март. (АМИТ «Ховар», Людмила Дубинина). – Бо ибтикори Донишгоҳи миллии Тоҷикистон, Намояндагии ҳамкории Русия дар Ҷумҳурии Тоҷикистон ва Ҷамъияти дӯстии «Тоҷикистон – Русия» дар ин рӯзҳо дар Донишгоҳи миллии Тоҷикстон бахшида ба Рӯзи байналмилалии Наврӯз фестивали ҷавонон идома дорад.Мақсад аз ин чорабинӣ шиносоӣ бо иди миллии Тоҷикистон, расму оин ва суннатҳои миллии тоҷикон аст. Дар маросими ифтитоҳи фестивал, ки 10 март дар Маркази русии ДМТ сурат гирифт, муовини раиси Ҷамъияти дӯстӣ ва фарҳанги Тоҷикистон бо кишварҳои хориҷӣ Кокул Кассиров, намояндаи Ҳамкории Русия дар Ҷумҳурии Тоҷикистон Любов Дудко, роҳбари Маркази русии ДМТ, муовини раиси Ҷамъияти дӯстии «Тоҷикистон — Русия» Меҳринисо Нағзибекова сухан карданд. Дар рӯзи хотимавӣ , 17 март, маросими мукофотонидани ғолибон ва фаъолони озмунҳо баргузор мегардад.