Тарҳрезии лоиҳаи Кодекси андози ҶТ
Душанбе, 29 март. (АМИТ «Ховар», Покиза Маҳмадбекова). – Дар шаҳри Душанбе таҳти раёсати вазири молия, роҳбари комиссияи оид ба тарҳрезии таҳрири нави лоиҳаи Кодекси андози ҶТ Сафаралӣ Наҷмиддинов ҷаласа баргузор гардид. Дар ҷараёни ҷаласа ҳисоботи сардори Сарраёсати сиёсати андоз ва боҷи давлатии Вазорати молияи Тоҷикистон Н.Саидхоҷаев перомуни баррасии пешниҳоду тавсияҳо ба таҳрири нави лоиҳаи Кодекси андози Ҷумҳурии Тоҷикистон шунида шуд. Сипас вазири молияи ҷумҳурӣ қайд намуд, ки бояд бо дарназардошти истифодаи меъёрҳои қобили қабул, ки бо ниҳодҳои байналмилалӣ ва вазорату идораҳо мувофиқа шудаанд, варианти ниҳоии лоиҳаи Кодекси андоз таҳия намуда ва ҷиҳати баррасӣ ба Ҳукумати Ҷумҳурии Тоҷикистон пешниҳод карда шавад. Қобили зикр аст, ки аз оғози тарҳрезии лоиҳа 2 ҳазору 446 пешниҳоду тавсияҳои муассисаю ассотсиатсияҳои давлатию ғайридавлатӣ ва шахсони алоҳидаи ҳуқуқию инфиродӣ ба унвони комиссия расида, аз ҷониби коршиносон мавриди таҳлилу таҳқиқ қарор гирифта ва пешниҳодоти қобили қабул ба таҳрири нави лоиҳаи Кодекси андози ҶТ ворид карда шуданд. Алҳол комиссияи махсус пешниҳодотро ба лоиҳаи Кодекси андози Ҷумҳурии Тоҷикистон якҷоя бо намояндагони вазорату идораҳо таҳлил менамояд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
