Маркази таҷрибавии селексионӣ

Душанбе, 3 апрел. (АМИТ «Ховар», Лаззат Диловарзод).- Бино ба хабари маркази матбуот ва иттилооти Вазорати кишоварзӣ, мақомоти бахши кишоварзии ҷумҳурии Тоҷикистон бо ҳамтоёни худ аз Ҷумҳурии Мардумии Чин дар бунёди Маркази таҷрибавии селексионии маҳсулоти кишоварзӣ дар Тоҷикистон ба мувофиқа расиданд. Ба иттилои манбаъ, зимни мулоқоти муовини аввали вазири кишоварзӣ Юсуф Султонноёбов аз вазъи муносибатҳои дӯстона ва ҳамкорӣ дар бахши кишоварзӣ, аз ҷумла омӯзиши мутахассисони тоҷик ва кӯмакҳои техникии Ҷумҳурии Мардумии Чин изҳори қаноатмандӣ карда шуд.Ба гуфти Ю. Султонноёбов, ҳамкориҳои тарафайн дар соҳаи кишоварзӣ имкон медиҳад, ки минбаъд низ Ҷумҳурии Мардумии Чин дар дастрасӣ ба технологияи муосир, қисмҳои эҳтиётӣ барои техникаи соҳаи кишоварзӣ, коркарди маҳсулот ва омӯзиши мутахассисони соҳа ба Ҷумҳурии Тоҷикистон ёрӣ расонад.