Вусъати корҳо дар нақби «Чормағзак»

Душанбе, 18 апрел. (АМИТ «Ховар», Кристина Эрлих). – Сохтмони нақби «Чормағзак», ки дар ҳошияи лоиҳаи навсозии роҳи мошингарди Душанбе — Ваҳдат — Данғара сурат мегирад, вусъат меёбад.Тавре ки дар маркази татбиқи лоиҳаи навсозии роҳи мошингарди «Душанбе – Чаноқ» — и Вазорати нақлиёти ҶТ ба АМИТ «Ховар» хабар доданд, сабаби вусъати нақбканӣ гармшавии обу ҳаво мебошад. Қобили зикр аст, ки баъди ба истифода додани нақби «Чормағзак» масофаи роҳи мошингарди Душанбе – Ваҳдат — Кӯлоб нисбат ба масофаи роҳи Душанбе — Қӯрғонтеппа — Кӯлоб баробари 100 километр кӯтоҳ мегардад. Мувофиқи нақша масофаи умумии ин нақб 4 ҳазору 430 метрро ташкил медиҳад. Лоиҳаи мазкур аз ҳисоби қарзи Ҳукумати Чин дар амал татбиқ карда мешавад.