1 июн — Рӯзи байналмилалии ҳифзи кӯдакон
Душанбе, 29 май. (АМИТ «Ховар», Людмила Дубинина). –
1 июн — Рӯзи байналмилалии ҳифзи кӯдакон таҷлил мегардад. Дар ин рӯз дар мактабу кӯдакистонҳо ва боғу хиёбонҳои Тоҷикистон ин ид бо шукӯҳи хоса қайд карда мешавад. Хотирнишон месозем, ки 1 июн қариб дар ҳамаи кишварҳои ҷаҳон Рӯзи байналмилалии ҳифзи кӯдакон таҷлил мегардад. Рӯзи ҳифзи кӯдакон моҳи ноябри соли 1949 бо қарори иҷлосияи Федератсияи байналмилалии демократии занон таъсис ёфта буд. Аввалин Рӯзи байналмилалии ҳифзи кӯдакон соли 1950 дар 51 кишвари ҷаҳон таҷлил гардид.