Афзоиши истеҳсоли маҳсулоти саноатӣ

Душанбе, 30 июл . (АМИТ «Ховар». Фирӯза Давлатова).- Тибқи иттилои Агентии омори назди Президенти ҶТ дар Ҷумҳурии Тоҷикистон нисбат ба соли 2011 истеҳсоли маҳсулоти саноатӣ 9,7 фоиз зиёд шуда, дар соли 2012 ба маблағи 4467,1 млн. сомонӣ маҳсулот истеҳсол шудааст. Ҳамчунин дар ҳамин давраи соли 2011 индекси ҳаҷми истеҳсоли маҳсулоти саноатӣ 112 фоизро ташкил дода, дар моҳи июни соли 2012 ба маблағи 691,5 млн. сомонӣ маҳсулоти саноатӣ истеҳсол шудааст, ки аз сатҳи соли 2011-ум 9,7 фоиз баланд аст. Ҳаҷми истеҳсол дар саноати истихроҷ 487,6 млн. сомонӣ, дар саноати коркард 3068,2 млн. сомонӣ, истеҳсолу тақсимоти қувваи барқ, газ ва об 911,4 млн. сомониро ташкил медиҳад. Дар нимсолаи якуми соли 2012 542 корхона (58,2 фоиз) сатҳи истеҳсолро нисбат ба соли 2011 баланд бардоштаанд. Мавриди зикр аст, ки дар давраи ҳисоботии соли 2012 истихроҷи ангиштсанг ва ангишти бӯр, нафт, истеҳсоли ҳасиб, макарон ва маснуоти қаннодӣ, равғанӣ растанӣ, қолин, маснуоти қолинӣ ва хишти бинокорӣ афзудааст.