Афзоиши истеҳсоли маводи сохтмон

Душанбе, 14 август. (АМИТ «Ховар», Дилшодаи Хайруллоҳ). –Дар 7 моҳи соли ҷорӣ дар корхонаҳои соҳаи маводи сохтмони системаи Вазорати энергетика ва саноати Ҷумҳуриии Тоҷикистон 46,5 млн. дона хишт, ки нисбат ба ҳамин давраи соли гузашта 16,3 млн. дона зиёд мебошад, аз ҷумла 294,1 тонна андоваи минералӣ (ғӯрагаҷ), 39,7 ҳазор тонна қуми квартсӣ, 175 ҳазор м2 шиша, 131,8 тонна ранг, 7,5 ҳазор тонна гаҷ, 1 зиёд истеҳсол шудааст. Ҷамъиятҳои масъулияташон маҳдуди «Силкоат Бойл» 11,2 маротиба, «Кошин» 6,4 маротиба, «Коваи Истаравшан» 3,8 маротиба, «Ободкори Ҳуҷанд» 2,7 маротиба, «Сангрезаи Шаҳринав» 169,7 %, «Розияи Сангрез» 166,3 %, «Далер» 134,6%, «Комбинати масолеҳи бинокорӣ»-и шаҳри Исфара 124,9 % суръати афзоишро таъмин кардаанд. Тибқи Қарори Ҳукумати Ҷумҳурии Тоҷикистон аз 21 апрели соли 2012 «Дар барои тасдиқи нақшаи амал оид ба таъсиси корхонаҳои саноатӣ дар Ҷумҳурии Тоҷикистон барои солҳои 2012-2013» соли ҷорӣ дар соҳаи маводи сохтмон 30 корхонаи хурду миёна бо таъсиси 1921 ҷойи корӣ пешбинӣ шудааст. То имрӯз 14 корхона ба истифода дода шуда ва 508 ҷойи нави корӣ муҳайё гардидааст. Дар ин бора ба мухбири АМИТ «Ховар» аз котиботи Вазорати энергетика ва саноат иттилоъ доданд.