Чорабиниҳои варзишӣ дар моҳи сентябр

Душанбе, 29 август. (АМИТ «Ховар», Дилшодаи Хайруллоҳ). — Бо мақсади тарғиби варзиши сабук, тенниси рӯи миз ва бадминтон байни варзишгарони маъюб аз 22 то 23 сентябри соли 2012 дар шаҳри Қурғонтеппаи вилояти Хатлон мусобиқаи кишварии варзиши сабук, тенниси рӯйи миз ва бадминтон миёни варзишгарони аз 18 сола боло гузаронида мешавад.   Дар мусобиқа дастаҳо аз шаҳри Душанбе (1-даста), ноҳияҳои тобеи марказ (1-даста), вилояти Хатлон-1(1-даста), минтақаи Қурғонтеппа, вилояти Хатлон-2 (1-даста), минтақаи Кӯлоб ва вилояти Суғд ( 1-даста) иштирок мекунанд. Ҳамчунин аз 4 то 5 сентябри соли равон дар шаҳри Истаравшани вилояти Суғд байни ҷавонон чемпионати кушоди Ҷумҳурии Тоҷикистон оид ба гӯштини камарбандии тарзи классикӣ гузаронида мешавад. Дар ин бора ба мухбири АМИТ «Ховар» аз Кумитаи ҷавонон, варзиш ва сайёҳии назди Ҳукумати ҶТ иттилоъ доданд.