Медали тиллои Улуғбек
Душанбе, 6 август. (АМИТ «Ховар», Дилшодаи Хайруллоҳ).- Субҳи имрӯз 3 нафар мактаббачаи тоҷик аз литсей-интернати муштараки тоҷикию туркии Ҳоҷӣ Камоли шаҳри Душанбе, ки аз 21-ум то 30-юми июни соли 2012 дар олимпиадаи байналмилалӣ аз фанни химия дар шаҳри Вашингтони Амрико иштирок доштанд, ба ватан баргаштанд. Дар фурудгоҳи байналмилалии Душанбе ғолибонро падару модарон, ёру дӯстон, ҳамсабақону устодон пешвоз гирифтанд. Дар олимпиада аз 78-мамлакати дунё, аз ҷумла Русия, Амрико, Чин, Олмон, Фаронса, Кореяи ҷанубӣ ва Эрону Ҳиндустон, инчунин як қатор кишварҳои дигар иштирок доштанд. Дар озмун Улуғбек Баротов ба гирифтани ҷойи 1-ум, Маъруф Болтабоев ва Ҳомидхоҷа Холиқов ба ҷойи 3-юм муваффақ гардида, сазовори 1 медали тилло ва 2 медали биринҷӣ гаштанд. Хотиррасон менамоем, ки дар олимпиада аз 78 мамлакати дунё 283-хонанда иштирок доштанд ва бори аввал дар таърихи Тоҷикистон медали тиллои олимпиадаи байналмилалӣ аз фанни химия насиби намояндаи Тоҷикистон гардид. Муваффақияти мактаббачагони тоҷик дар чунин чорабиниҳои бонуфуз аз рушди соҳаи маорифи мамлакат далолат мекунад.
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
