Рӯзи ангиштканон муборак!
Душанбе, 24 август. (АМИТ «Ховар», Мавҷуда Анварӣ). – Ҳамасола якшанбеи охири моҳи август иди касбии кормандони соҳаи ангишт- Рӯзи ангиштканон ҷашн гирифта мешавад. Қобили зикр аст, ки кормандони соҳаи саноати истихроҷи ангишт кӯшиш ба харҷ медиҳанд, то бо меҳнати софдилонаю хизматҳои шоён ва баланд бардоштани самаранокии меҳнат дар истеҳсолот бо нишондиҳандаҳои назаррас иди касбии худро ҷашн гиранд. Бо кӯшишу заҳмати кормандони соҳа то имрӯз ба миқдори 183811 тонна ангишт истихроҷ шудааст, ки ин нисбат ба ҳамин давраи соли гузашта зиёд аст. Захираи ангишт дар анборҳои корхонаҳо зиёда аз 37 ҳазор тоннаро ташкил медиҳад. Роҳбарияти Вазорати энергетика ва саноати кишвар тамоми кормандони соҳаро бо иди касбии кормандони соҳаи ангишт- Рӯзи ангиштканон табрик намуда, дар фаъолияташон комёбӣ таманно намуд. Дар арафаи ид як гурӯҳ кормандони соҳа барои меҳнати софдилонаю хизматҳои шоён бо тӯҳфаҳои арзанда ва Ифтихорномаи Вазорати энергетика ва саноати Ҷумҳурии Тоҷикистон сарфароз гардонида шуданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
