Чанд хабар аз хориҷи кишвар

Задухӯрдҳо дар Туркия Душанбе, 3 сентябр. (АМИТ «Ховар»).- Ба гуфти расонаҳои хабарии БиБиСи дирӯз дар Сирнаки Туркия бар асари задухўрд миёни низомиёни нерўҳои ҳарбии Туркия ва аъзои ҳизби коргарии курдҳо 9 кас ба ҳалокат расида, 8 тани дигар ҷароҳатҳои гуногун бардоштанд. Бино ба маълумоти вазорати умури мамлакатто хол сабаби задухӯрд миёни ду нерўи ҳарбӣ муайян нашудааст, вале дар айни замон дар ҷойи ҳодиса кормандони мақомоти дахлдори кишвар фаъолият намуда, сабабҳои асосии задухўрдро муайян менамоянд. Дар байни қурбоншудагон танҳо низомиёни Туркия ба қайд гирифта шудаанд. Ба гуфти аъзои ҳизби коргарии курдҳо чунин муноқишаву зиддият миёни ду ҳизб муддати тўлонӣ боз идома дорад. Боздошти 40 килограмм маводи мухадир Душанбе, 3 сентябр. (АМИТ «Ховар»).- Дирӯз дар Вазорати корҳои дохилии шаҳри Колумбия рӯзи санҷиши нақлиёти кормандони корхонаҳои нақлётӣ ва техникаи сарҳадӣ гузаронида шуд. Дар ҷараёни амалиёти фаврию ҷустуҷўӣ кормандони мақмоти махсуси вазорат аъзои гурўҳи нашъаҷаллобро боздошт намуданд, ки онҳо ҳангоми интиқол додани 40 килограмм маводи мухаддир аз Колумбия ба ИМА дастгир шуданд Мувофиқи иттилои расонаҳои хабарӣ, ҷинояткорон ба гурўҳи нашъаҷаллоби «Нарко-Картел» — и Мексика робита доштаанд. Боздоштшудагон давоми 2 сол дар якчанд мамлакатҳо, аз ҷумла Мексика, ИМА, Колумбия ва дигар кишварҳо мавриди ҷустуҷў қарор доштаанд. Дар айни ҳол кормандони мақомоти марбута дар ҷои ҳодиса тафтишот гузаронида, ҳаммаслакони дигари ин гурўҳи ҷиноятпешаро мавриди ҷустуҷў қарор додаанд. Тарҷумаи Иброҳими Ҳабибуллоҳ